Cuntooyinka u fiican kalyaha

Cuntooyinka u fiican kalyaha waa kuwa caawiyo caafimaadka kalayaha, waxeeyna kalayaha ka yareeyaan cadaadiska saaran , 

waxeey ka hortag u yihiin dhibaatooyinka kalayaha ku dhaca sida =

Xanuunada kalayaha iyo dhagaxaanta kalayaha ku sameesma .

 Cuntooyinkaasi waxay inta badan leeyihiin =

sodium (milix) yar, potassium dhexdhexaad ah, iyo fosfooraska oo hooseeya. 

Kuwa ugu wanaagsan waxaa ka mid ah:

1. Khudaar & Miraha

Toonta & Basasha – Waxay leeyihiin maadooyin dabiici ah oo ka hortaga bararka jirka.

Tufaaxa – Waa miro leh fiber badan, waxayna ka caawisaa dheefshiidka.

Cananaaska – Waa miro potassium yar leh, waxayna ka fiican tahay mooska.

Mabuurka & Strawberries – Waxay leeyihiin antioxidants badan oo caawiya kalyaha.

2. Cuntooyinka Dhirta ka Yimid

Baradhada macaan – Waxay ka fiican tahay baradhada caadiga ah maxaa yeelay waxay leedahay potassium iyo fiber dhexdhexaad ah.

Boorashka – Wuxuu caawiyaa nidaaminta sonkorta dhiigga oo muhiim u ah kalyaha.

Qamadiga Dhan (Whole Grains) – Sida rootiga qamadiga ah iyo bariiska buniga ah, waxay leeyihiin fiber sare.

3. Kalluun & Protein Fiican

Kalluunka saliida leh (Salmon, Tuna, Mackerel) – Wuxuu hodan ku yahay Omega-3 oo hoos u dhigta bararka kalyaha.

Ukunta cad (Egg Whites) – Waxay bixisaa protein tayo sare leh oo aan culays saarin kalyaha.

4. Cabitaanada Caafimaadka leh

Biyaha – Waa tan ugu muhiimsan ee kalyaha sifeysa.

Shaaha cagaaran & Geedaha dabiiciga ah – Waxay leeyihiin antioxidants kor u qaada shaqada kalyaha.

Cuntooyinka laga fogaado

Si loo ilaaliyo caafimaadka kalyaha, waa in la yareeyo:

Milixda badan (cunnooyinka la warshadeeyay sida chips iyo suugada).

Potassium badan sida mooska iyo baradhada caadiga ah (haddii ay kalyuhu daciif yihiin).

Hilibka la warshadeeyay sida sausage iyo hot dog.

Sonkorta badan oo waxyeello u leh kalyaha iyo caafimaadka guud.

Haddii aad qabto dhibaatooyin kalyaha la xiriira, waxaa wanaagsan inaad la tashato dhakhtar si aad u hesho talo gaar ah.

U share gareey asxaabtaada si eey ooga faaiideeystaan